Özgür Düşünme ve Tartışma Platformu!..

Seyîdxan Kurij/ Darbeyî 1971 ra dim Çewlîg de verî hemin PDKT dest bi xebata sîyasî kerdibi. Goreyî şertanî ey wextî Çewlîg de zaf hol yew grûb virazîyêbî û zaf rind xebat kerdîyen. Na grûb mîyan de wendox, memur, esnaf, dewij û şarî Çewlîgî ra sewbîna xeylek merdimî bîy. Însanî zaf delalî tede bî. La çi heyf ke înan ra xeylek ma kerdî vîn. Însano delal û merdimo ercîyaye rehmetî Hîşar zî înan ra yew bi.Hîşar Aĝaoĝlu tehminî 1954-55 de Darahenî de amewo dinya. Keyeyî Axayanî Kupar ra, lacî Mistefa Axayî o. Pî ey yew mude serekbeledîya Darahenî bi. O yew keyeyo hanedan û welatheskerdox ra bi, Keyeyî înan meselayî Şex Seîd de zaf zerar dîbi.

Darbeyî 1971 ra dim Çewlîg de verî hemin PDKT dest bi xebata sîyasî kerdibi. Goreyî şertanî ey wextî Çewlîg de zaf hol yew grûb virazîyêbî û zaf rind xebat kerdîyen. Na grûb mîyan de wendox, memur, esnaf, dewij û şarî Çewlîgî ra sewbîna xeylek merdimî bîy. Însanî zaf delalî tede bî. La çi heyf ke înan ra xeylek ma kerdî vîn. Însano delal û merdimo ercîyaye rehmetî Hîşar zî înan ra yew bi.
Hamnanê 1974 de Çewlîg de Bin Genç nîyê rue. Serok Îsmet Aydoĝdu bi. Payîz Ahmet Kasimoĝli bi serokî komel, Hîşar Aĝaoĝlu zî bi sekreterê komel.
BİN-GENÇ - DER, tarîxî Çewlîgî de yew komela legal û demokratîk a virên a ke awa bîya. BİN-GENÇ ra teber Çewlîg de TÖB-DER bîbî a. Çewlîg de, hema grûbî sîyasîyê yê bînî nivirazîyêbî, yan zî grûbanî bînan ra tek-tuk merdimî newe vicîyên werte. BİN-GENÇ, esasen na grûba îllegala ke newe ra PDKT Çewlîg de organîze kerdîyen, na grûb awa kerd. Bêguman, na grûb ra teber sewbîna merdimî welatperwerî zî tede bî, la bingeyî komele na grûb na rue. Hîşar hem grûbê PDKT de hem zî sazkerdişî BİN-GENÇ de zaf aktîf bi. Hîşar û embazanî xo xetê Seîd Elçî ser o yew het a mîyanî ciwanan, esnafan, wendoxan û dewijanî Çewlîgî de xebata sîyasî kerdîyen, het o bîn a zî BİN-GENÇ de xebata demokratîk, kulturî û folklorîk kerdîyen. Na komele de çend semînerî ameyî dayîş, ziwan û kulturî kurdkî ser o xeylek kar û xebat ameyî kerdiş. No komele de zaf merdimî Kirdkî wendişi û nuştişi museyî.
Wisarî 1975 de polesan eşt komelî ser, têgêrayî, binê sumen de yew vilavok û yew zi kîtabî Musa Anter, dî bî. Vilavok zi cuwa ver Xarpêt ra ambazan şawiti bî. Tede rexneyî Nazli Ilicak bî.. Nazli Ilicak nuşteyê xo de vati bi ke, "Kam welatê ma ra hez nêkeno, wa şuerû Afrîka." No belavok cuwa ver vila bi bî, la o roj senî kewti bi binê sumen çew hema zi nêzaneno.

Eya hel Hişyar Aĝaoĝlu komel de bîyo, ey vabi ke, "No nuşteyî mino, tu eleqeyê komel pê çin o." Dima ra Hîşyar na vilavok ra ceza werd.
Hîşar 1976 de ODTU İdari ve Mali Bilimler (Unîversîteyî Teknîkî ey Rojhilatî Mîyanînî) qezenc kerd, şi Enqere, cuwa pey cezay ey tesdîk bî, o hepisxane Elmadaĝ de 8 aşm mend. N. Elçî, H. Trugut û M. Uzun şînî hepisxane de Hîşar zîyaret kerdinî pa alaqadar bînî.
Rehmetî Hîşar heta darbeyî leşkerî ey 1980 komîtê Enqere ey KUK de xebatê xo ya sîyasî rumit.             
Darbeyî leşkerî yê 1980 ya pey o çend ray operasyonanî KUK û TKDP de gerîya zerre, îşkence dî. Raya peyin 1983 de operasyonî KUK de gerîya zerre, la qisênêkerd, o rid ra nêşkayî tiway îspat kirî, yew mude cuwa pey mecbur mendî o sebest verrada.
Hîşar Darahenî de ca da xo û îta de serbest muhasebcîyê kerd. O 1994 de semedî serektîye Beldîyaya xo ser namzetîyê xo na rue. Ey zaf hol ray girotî, la yew çend rayan ra kerd vîn.
Darahenî de yew xuert bi, namê ey Ayhan YILMAZ bi. Ayhan Yilmaz yew berdoş bi, zaf ray qet keye nêşinî, tebera kotîyen. Qeymaqamî Darahenî Mete HAMURCU ge-ge fonê ardimî sosyal ra perê dayn A.Yilmaz.Darahenî de yew merdimo sey Hîşar Qeymaqam û emnîyet bêrehet kerdîyen. No ridra bi plana qeymaqam Mete HAMURCU polesan Ayhan AYDANCI û Türkeş DOGANER 26 aşmê Kanûne 1997 de şew tarî de Hîşar AGAOGLU kişt. Nê memuranî dewlet Ayhan îkna kerd ke o suc bigîro xo ser. Ayhan suc girot xo ser.Pî Hîşar zi yew mude cuwa pey qehran ra merd.
Ayhan Yilmaz cuwa pey pîşman bi, ey waşt ke her çî eşkira kiro, la hepisxane de îtîrafçî PKK Dr.Welat(Mehmet Dörtyama) Ayhan Yilmaz tehdît kerd, nêverda o memuranî dewlet ser îfade bido. Cuwa pey Ayhan Yilmaz hepisxane de xo kişt. No qide na dewa hetî hukuk ra qefilyay.
Not : Kesani ke derheqî Hîşar Agaoglu de agahdarî daya : Mehmet Uzun, Harun Turgut, Ahmet Kasimoglu, Nîhat Elçî û Orhan Zuexpayij

Resimdekiler: Cîhat Elçi, Xetîp Demiralp, Hîşar Aĝaoĝlu (Arşîvê Ehmed Dirihî)
seyîdxan